15 октябрь көнне Саба районында Татарстан Республикасы мәгариф хезмәткәрләре спартакидасының финал уеннары узды.

        Ярышларда бөтен республикадан җыелган укытучылар, мәгариф бүлеге җитәкчеләре һәм Мәгариф министрлыгы командасы катнашты.

Спартакиада кысаларында педагоглар спортның 8 төре буенча көч сынашты: җиңел атлетика, озынлыкка сикерү, бадминтон, канат тарту, пневматик винтовкадан ату, мини-футбол, гер күтәрү һәм йөзү. Шулай ук спартакиада кысаларында районнарның мәгариф бүлеге җитәкчеләре ГТО нормалары да тапшырдылар.

Теләче җыелма командасы түбәндәге призлы урыннарны яулады:

Бадминтон:

Җаббаров Алмаз (Баландыш мәктәбе) – 1 урын

Салихова Зөлфия (Теләче мәктәбе) – 2 урын

Пневматик винтовкадан ату:

Аркадьева Людмила (Шармыш мәктәбе) – 1 урын

Җиңел атлетика эстафетасы (Теләче мәктәбе укытучылары Рафил Хәкимов, Ләйсән Алимова, Райлә Мөхәмәтшина һәм Сауш мәктәбе укытучысы Илнур Зәйнуллин) – 2 урын

Финал этабы нәтиҗәләре буенча, Теләче районы педагоглары җыелма командасы, үз эченә укучылар саны 3500 дән ким булган 24 район кергән группада 7 нче урынга лаек булды.

Соңгы яңарту: 2016 елның 20 октябре, 10:13